အမေရိကန်သမ္မတ သေနတ်ထိန်းချုပ်ရေးဆိုင်ရာ အစီအမံတွေကို ကြေညာ

အမေရိကန်သမ္မတ Joe Biden က နိုင်ငံတွင်းမှာ မကြာသေးခင်က ဖြစ်ပွားခဲ့တဲ့ အစုလိုက်အပြုံလိုက်ပစ်ခတ်မှုတွေကြောင့် သေနတ်ကိုင်ဆောင်မှု ထိန်းချုပ်ရေး ပိုမိုအားကောင်းလာစေဖို့ အစီအမံတွေကို ကြေညာခဲ့ပါတယ်။ မတ်လက Georgia ပြည်နယ်မှာ လူ ၈ဦးနဲ့ Colorado ပြည်နယ်မှာ လူ ၁၀ ဦး သေဆုံးခဲ့ပါတယ်။မစ္စတာ Biden က ကြာသပတေးနေ့မှာ အဲဒီကြေညာချက်ကို ထုတ်ပြန်ခဲ့တာပါ။ သူ့ရဲ့မိန့်ခွန်းမှာ “ ဒီနိုင်ငံမှာ သေနတ်ကိုင်အကြမ်းဖက်မှုဟာ ကပ်ရောဂါတစ်ခုလို ဖြစ်နေပြီး နိုင်ငံတကာမှာ အရှက်တကွဲအကျိုးနည်း ဖြစ်ရတယ်” လို့ ပြောကြားခဲ့ပါတယ်။ “ခိုင်မာတဲ့ အရေးယူ ဆောင်ရွက်ချက်တွေကို ချက်ချင်း ချမှတ်ဖို့ ရှေ့နေချုပ်နဲ့သူ့အဖွဲ့ကို ပြောခဲ့တယ်” လို့လည်း သူက ပြောခဲ့ပါတယ်။ အဲဒီ အစီအမံတွေထဲမှာ "တစ္ဆေ သေနတ်တွေ"လို့ ခေါ်တဲ့ လက်နက်တွေ တစ်ဟုန်ထိုး ပြန့်ပွားလာတာကို ထိန်းချုပ်ဖို့ လုပ်ဆောင်မှုတွေလည်း ပါဝင်ပါတယ်။
အဲဒီလို သေနတ်မျိုးတွေဟာ အစိတ်အပိုင်းတွေကို ကိုယ်တိုင် တပ်ဆင်ထားတာဖြစ်ပြီး နောက်ကြောင်းရာဇဝင် စစ်ဆေးမှုခံယူဖို့လည်း မလိုပါဘူး။ အဲဒီလို သေနတ်တွေမှာ အမှတ်စဉ် နံပါတ်တွေ မပါရှိတာကြောင့် ခြေရာခံလိုက်လို့လည်း မရနိုင်ပါဘူး။
Source – NHK