ယုဇနဥယျာဉ်အိမ်ရာ၊ သာကေတ၊ ဒေါပုံ၊ သင်္ဃန်းကျွန်း(သုဝဏ္ဏ၊ ၂၉၊ ၃၀) မြို့နယ်များတွင် ရေအားပြတ်တောက်မည်
၁၁-၄-၂၀၂၁ ရက် ညနေပိုင်း ၆ နာရီခန့်တွင် ရာသီဥတုအခြေအနေကြောင့် လဂွန်းပြင်ရေသန့်စင်စက်ရုံသို့ လျှပ်စစ်ဓာတ်အားပို့လွှတ်နေသော ဓာတ်အားလိုင်း အပြစ်ဖြစ်ပေါ်သဖြင့် ဓာတ်အားခေတ္တဖြတ်တောက်ထားရပါသည်။
သို့ဖြစ်ပါ၍ ၁၁-၄-၂၀၂၁ ရက် နေ့ညနေပိုင်းမှစ၍ လဂွန်းပြင်ရေသန့်စင်စက်ရုံမှ စမ်းသပ်ရေပေးဝေမှု ပြတ်တောက်သွားပါသဖြင့် ယုဇနဥယျာဉ်အိမ်ရာ၊ သာကေတ၊ ဒေါပုံ၊ သင်္ဃန်းကျွန်း(သုဝဏ္ဏ၊ ၂၉၊ ၃၀) မြို့နယ်များတွင် ရေအားပြတ်တောက်မည်ဖြစ်သည်။
ယနေ့ နံနက်စောစောပိုင်းမှစ၍ ဓာတ်အားလိုင်းအပြစ်အား စောလျင်စွာ ရှာဖွေစစ်ဆေးပြုပြင်ပြီး ဓာတ်အားအမြန်ပြန်လည်ရရှိရေး YESC နှင့် ပူးပေါင်းဆောင်ရွက်သွားမည် ဖြစ်ပါသည်။
ဓာတ်အားပြန်လည်ရရှိသည်နှင့် လဂွန်းပြင်ရေသန့်စင်စက်ရုံမှ ရေစမ်းသပ် ပေးဝေနေခြင်းအား ချက်ချင်းပြန်လည်ပေးဝေသွားမည်ဖြစ်ပါကြောင်း ရန်ကုန်စည်ပင်မှ အသိပေး ကြေညာထားသည်။
#Water Resources and Water Supply Authority, YCDC
