“အားလုံးကို ကျော်ဖြတ်ကြမယ်” (All Pass) လူငယ်ဒရာမာ ရုပ်သံဇာတ်လမ်းတွဲ

မြန်မာ-ကိုရီးယား နှစ်နိုင်ငံပူးပေါင်း၍ ပထမဆုံး ရိုက်ကူးထုတ်လုပ်လည့် “အားလုံးကို ကျော်ဖြတ်ကြမယ်” (All Pass) လူငယ်ဒရာမာ ရုပ်သံဇာတ်လမ်းတွဲ ကန်တော့ပွဲပေးခြင်းနှင့် မီဒီယာတွေ့ဆုံခြင်းကို ဖေဖော်ဝါရီလ (၂၂) ရက်နေ့ နံနက်ပိုင်းက ရွှေတိဂုံစေတီတော် ရာဟုထောင့်တွင် ပြုလုပ်ခဲ့ပြီး အဆိုပါ ရုပ်သံဇာတ်လမ်းတွဲအတွက် မြန်မာနိုင်ငံဘက်မှ သရုပ်ဆောင်ရွေးချယ်ခြင်းအား ကိုရီးယားနိုင်ငံမှ ဒါရိုက်တာအဖွဲ့ဖြင့် ၂၀၂၅ ခုနှစ်၊ အောက်တိုဘာလ၊ ၂၀၂၆ ခုနှစ်၊ ဇန်နဝါရီလနှင့် ဖေဖော်ဝါရီလများအတွင်း လူငယ် အမျိုးသား၊ အမျိုးသမီး ၄၇ ဦးကို လူတွေ့စစ်ဆေးခြင်း (Audition) သုံးကြိမ်ပြုလုပ်ခဲ့သည်။
ရုပ်ရှင်ရွှေကြို အနုပညာရှင်များ ဖြစ်ကြသည့် လင်းလက်ခွန်းချို၊ ပြည့်စုံ၊ ဆီဆန်ကျော်ဇော၊ မေ့ချစ်သက်၊ သူရိန်မင်းခန့်၊ ဖြိုးဟန်ကျော်တို့နှင့် မြန်မာ့အသံနှင့် ရုပ်မြင်သံကြားမှ ဝန်ထမ်းအနုပညာရှင်များ ဖြစ်ကြသည့် အိန္ဒြာစိုးစံ၊ ကျော်သက်အောင်၊ ဖြူဖြူခိုင်၊ မြနန္ဒာနှင့် ရာဇာအောင်တို့အား စိစစ်ရွေးချယ်ခဲ့ခြင်းဖြစ်သည်။