မြန်မာ့အသံနှင့်ရုပ်မြင်သံကြား၏ MRTV DTH Platform (Direct to Home) တွင် DTH Free to Air ရုပ်သံလိုင်းထည့်သွင်းထုတ်လွှင့်ခြင်းလုပ်ငန်းအတွက် Request for Proposal (RFP) အောင်မြင်သည့် လုပ်ငန်းလုပ်ကိုင်ခွင့်ရရှိသူများ (Content Providers) စာရင်းထုတ်ပြန်ခြင်း

၁။ မြန်မာ့အသံနှင့်ရုပ်မြင်သံကြား၏ MRTV DTH Platform (Direct to Home) တွင် ပုဂ္ဂလိက DTH Free to Air ရုပ်သံလိုင်းများ ထည့်သွင်းထုတ်လွှင့်နိုင်ရေးအတွက် Expression of Interest (EOI) အဆင့် တင်သွင်း အောင်မြင်သည့် ကုမ္ပဏီများအား Request for Proposal (RFP) အဆိုပြုလွှာ ဆက်လက်တင်သွင်းစေခဲ့ပါသည်။
၂။ Request for Proposal (RFP) အဆိုပြုလွှာတင်သွင်းသည့် ကုမ္ပဏီများ၏ လုပ်ငန်းတစ်ခုချင်းစီ အလိုက် ရုပ်သံလိုင်းရိုက်ကူးထုတ်လုပ်ရေးဖန်တီးမှုဆိုင်ရာအဆိုပြုချက်၊ စီးပွားရေးဆိုင်ရာအဆိုပြုချက်၊ နည်းပညာဆိုင်ရာ အဆိုပြုချက်၊ မီဒီယာအဖွဲ့အစည်းဆိုင်ရာအဆိုပြုချက်နှင့် ပြည်သူ့မီဒီယာအကျိုးပြုဆိုင်ရာ အဆိုပြုချက်များအား စိစစ်ခြင်း၊ လူတွေ့ထပ်ဆင့်တွေ့ဆုံ၍ ကဏ္ဍအလိုက်တင်ပြချက်၊ ဖြေကြားချက်နှင့် လက်တွေ့ဆောင်ရွက်နေ သည့် အခြေအနေတွေ့ရှိချက်များ အဆင့်ဆင့်စိစစ်ဆောင်ရွက်ခဲ့ပြီးဖြစ်ရာ မြန်မာ့အသံနှင့်ရုပ်မြင်သံကြား၏ MRTV DTH Platform (Direct to Home) တွင် ရုပ်သံလိုင်း ထည့်သွင်းထုတ်လွှင့်ခြင်းလုပ်ငန်းအတွက် Request for Proposal (RFP) အောင်မြင်သည့် လုပ်ငန်းလုပ်ကိုင်ခွင့်ရရှိသူများ (Content Providers) အဖြစ် အောက်ပါ ကုမ္ပဏီများအား ရွေးချယ်ထားပြီးဖြစ်ပါသည်-
(က) Forever Group Co.,Ltd
( ခ ) ABC Content Solutions Co.,Ltd
( ဂ ) New Image Trading Co.,Ltd
(ဃ) Fortune Broadcasting Co.,Ltd
၃။ အထက်ပါကုမ္ပဏီများအနေဖြင့် မြန်မာ့အသံနှင့်ရုပ်မြင်သံကြား၏ MRTV DTH Platform (Direct to Home) တွင် သက်ဆိုင်ရာ ရုပ်သံလိုင်းများ ထည့်သွင်းပြသနိုင်ရေးအတွက် လုပ်ငန်းစဉ်များနှင့်အညီ ဆက်လက် ဆောင်ရွက်သွားမည်ဖြစ်ပါကြောင်း ကြေညာအပ်ပါသည်။

MRTV DTH Platform (Direct to Home) စနစ်တွင် ရုပ်သံလိုင်းများ
ထည့်သွင်းပြသခွင့်ပြုနိုင်ရန် စိစစ်ရွေးချယ်ရေးကော်မတီ