၂၀၂၃ ခုနှစ်အတွင်း မူးယစ်ဆေးဖြတ်သင်တန်းသား (၆၄) ဦးကို စိတ်ပိုင်းဆိုင်ရာ၊ ရုပ်ပိုင်းဆိုင်ရာ နောက်ဆက်တွဲ စောင့်ရှောက်မှုများ ဆောင်ရွက်ပေးနိုင်ခဲ့
တိုင်းဒေသကြီးနှင့်ပြည်နယ်များတွင် မူးယစ်ဆေးဖြတ်ပြီးသူများ ပြန်လည်ထူထောင်ရေးစခန်းများ (၁၄) ခု ဖွင့်လှစ်ပြီး မူးယစ်ဆေးဖြတ် ကုသမှုခံယူသူများကို ရုပ်ပိုင်းဆိုင်ရာ ပြန်လည်ထူထောင်ပေးခြင်းလုပ်ငန်းများ ဆောင်ရွက်ပေးနေသည်ဟု ပြန်လည်ထူထောင်ရေးဦးစီးဌာန (မူးယစ်ဌာနခွဲ)မှ ဒုတိယ ညွှန်ကြားရေးမှူး ဒေါ်ဝါဝါကြွယ်၏ ပြောကြားချက်အရ သိရသည်။ မြန်မာ့အသံသတင်းထောက် မျိုးမြင့်မြင့်မြတ်က ဆက်သွယ်မေးမြန်းထားပါသည်။