၂၀၂၅ ခုနှစ် တက္ကသိုလ်ဝင်ခွင့်လျှောက်ထားခြင်းများကို စက်တင်ဘာ (၁၉) ရက်နေ့နောက်ဆုံးထားလျှောက် ထားရမည်
ပညာရေးဝန်ကြီးဌာန၊ အဆင့်မြင့်ပညာဦးစီးဌာနအနေဖြင့် ၂၀၂၅ ခုနှစ် တက္ကသိုလ်ဝင်စာမေးပွဲအောင်မြင်ထားသူများအား တက္ကသိုလ်ဝင်ခွင့်လျှောက်ထားနိုင်ရန် ဝင်ခွင့်လျှောက်လွှာစာအိတ်များကို စက်တင်ဘာ (၂) ရက်နေ့မှ (၁၉) ရက်နေ့အထိ စာစစ်ဌာနများရှိ ကြီးကြပ်ရေးမှူးများထံတွင် ထုတ်ယူနိုင်ခြင်းနှင့်ပတ်သက်ပြီး အဆင့်မြင့်ပညာဦးစီးဌာန (ရန်ကုန်)၊ ဒုတိယညွှန်ကြားရေးမှူးချုပ် ဒေါက်တာသန္တာအောင်နှင့် မြန်မာ့အသံသတင်းထောက် စန်းစန်းဝေက တွေ့ဆုံ မေးမြန်းထားပါသည်။