အာဆီယံအမျိုးသမီး ဖူဆယ်ချန်ပီယံရှစ်ပြိုင်ပွဲအတွက် မြန်မာ့လက်ရွေးစင်အမျိုးသမီး ဖူဆယ်အသင်း စခန်းသွင်းလေ့ကျင့်လျက်ရှိ
ဖိလစ်ပိုင်နိုင်ငံက အိမ်ရှင်အဖြစ်လက်ခံကျင်းပမည့် ၂၀၂၄ ခုနှစ် အာဆီယံ အမျိုးသမီး ဖူဆယ်ချန်ပီယံရှစ်ပြိုင်ပွဲအတွက် မြန်မာ့လက်ရွေးစင် အမျိုးသမီးဖူဆယ်အသင်းကို စက်တင်ဘာ (၃၀) ရက်နေ့မှ နိုဝင်ဘာ (၁၀) ရက်နေ့အထိ MFF Futsal Stadium တွင် စခန်းသွင်း လေ့ကျင့်မှုများ ပြုလုပ်လျက်ရှိသည်ဟု မြန်မာနိုင်ငံဘောလုံးအဖွဲ့ချုပ်၊ ဖူဆယ်နှင့် သဲသောင်ပြင်ဌာန တာဝန်ခံ ဦးရဲဝင်းထွန်း၏ ပြောကြားချက်အရ သိရသည်။ မြန်မာ့အသံသတင်းထောက် မျိုးမြင့်မြင့်မြတ်က ဆက်သွယ်မေးမြန်းထားပါသည်။