အာရှသက်ငယ်တန်းအားကစားပြိုင်ပွဲယှဉ်ပြိုင်ရန် မြန်မာအားကစားအဖွဲ့ ဂျပန်နိုင်ငံသို့ ထွက်ခွာ
ဂျပန်နိုင်ငံ၊ တိုကျိုမြို့တွင် ဩဂုတ်(၂၃)ရက်မှ (၂၉)ရက်အထိ ကျင်းပမည့် အာရှသက်ငယ်တန်းအားကစားပြိုင်ပွဲသို့ ဝင်ရောက်ယှဉ်ပြိုင်ရန် မြန်မာနိုင်ငံမှ စားပွဲတင်တင်းနစ်၊ ကြက်တောင်အားကစားအဖွဲ့များမှ အသင်းအုပ်ချုပ်သူ၊ နည်းပြနှင့်ကစားသမား (၂၁)ဦးပါဝင်သည့်အဖွဲ့ ဩဂုတ်လ(၂၂)ရက်နေ့က ရန်ကုန်အပြည်ပြည်ဆိုင်ရာလေဆိပ်မှ ထွက်ခွာခဲ့သည်ဟု အားကစားနှင့်ကာယပညာဦးစီးဌာနမှ ညွှန်ကြားရေးမှူး ဦးဌေးအောင်၏ ပြောကြားချက်အရ သိရသည်။ မြန်မာ့အသံသတင်းထောက် စန်းစန်းဝေက တွေ့ဆုံမေးမြန်းထားပါသည်။