အစိုးရရုံးပိတ်ရက်ရှည်များတွင် နေရပ်ပြန်မည့်သူများအတွက် အဝေးပြေးယာဉ်လိုင်းများ လုံလောက်စွာ ပြေးဆွဲပေးမည်
၂၀၂၄ ခုနှစ်၊ နှစ်ကုန် ရုံးပိတ်ရက်ရှည်များအဖြစ် ဒီဇင်ဘာလ (၂၈) ရက်မှ ၂၀၂၅ ခုနှစ်၊ ဇန်နဝါရီလ (၁)ရက်နေ့အထိ ရုံးပိတ်ရက်များ သတ်မှတ်ပေးထားရာ အဆိုပါ ရုံးပိတ်ရက်များတွင် ရန်ကုန်တိုင်းဒေသကြီးမှ တိုင်းဒေသကြီးနှင့် ပြည်နယ်အသီးသီးသို့ နေရပ်ပြန်ကြမည့် ခရီးသွားပြည်သူများအတွက် အဝေးပြေးယာဉ်လိုင်းများ လုံလောက်စွာပြေးဆွဲပေးနိုင်ရန် စီစဉ်ထားရှိသည်ဟု တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ(YRTC) အဝေးပြေးဌာနမှ ကော်မတီဝင် ဦးဘမြင့်၏ ပြောကြားချက်အရ သိရသည်။ မြန်မာ့အသံသတင်းထောက် စန်းစန်းဝေက တွေ့ဆုံ မေးမြန်းထားပါသည်။