အင်းစိန်ခရိုင်တွင်၂၀၂၄ ခုနှစ်၊ လူဦးရေနှင့် အိမ်အကြောင်းအရာ သန်းခေါင်စာရင်းကောက်ယူနေမှုအခြေအနေ
၂၀၂၄ ခုနှစ်၊ ပြည်လုံးကျွတ်အဆင့် သန်းခေါင်စာရင်းကို အောက်တိုဘာလ (၁)ရက်နေ့မှ စတင်ကောက်ယူလျက်ရှိရာ ရန်ကုန်တိုင်းဒေသကြီး အင်းစိန်ခရိုင်အတွင်းရှိ မြို့နယ် (၃)မြို့နယ်တွင် ကောက်ကွက်ပေါင်း (၁,၈၇၂) ကွက်ကို စာရင်းစစ်၊ စာရင်းကောက် (၉၂၄)ဦးဖြင့် ကောက်ယူနေပြီး အောက်တိုဘာလ (၁၂)ရက်နေ့ထိ ကောက်ကွက်ပေါင်း (၁,၆၆၁)ကွက် ကောက်ယူပြီးဖြစ်သည်ဟု အင်းစိန်ခရိုင် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ဒုတိယညွှန်ကြားရေးမှူး ဦးမင်းဆွေ၏ ပြောကြားချက်အရသိရသည်။ မြန်မာ့အသံ သတင်းထောက် မျိုးမြင့်မြင့်မြတ်က ဆက်သွယ်မေးမြန်းထားပါသည်။