CEIR ၏ ခွင့်ပြုစာရင်းတွင် ပါရှိရန် မတ်လ (၃၁)ရက် နောက်ဆုံးထား၍ Sim Card များကို မိုဘိုင်း လက်ကိုင်ဖုန်းအတွင်း ဖွင့်လှစ်အသုံးပြုသင့်ကြောင်း ပြည်တွင်းအခွန်များဦးစီးဌာနမှ အသိပေးပြောကြား
နိုင်ငံတော်အနေဖြင့် ဗဟိုမိုဘိုင်းပစ္စည်း သက်သေခံမှတ်ပုံတင်စနစ် (CEIR)စနစ်ကို နိုင်ငံအတွင်း မိုဘိုင်းလက်ကိုင်ဖုန်းများ တရားမဝင်ကုန်စည်တင်သွင်းခြင်းမှ တားဆီးကာကွယ်ရန်၊ ရသင့်ရထိုက်သည့် အခွန်အကောက်များ အပြည့်အဝရရှိစေရန်နှင့် ပြည်သူများကို စံချိန်စံညွှန်းကိုက်ညီသည့် မိုဘိုင်းကွန်ရက်သုံး စစ်မှန်သော ဆက်သွယ်ရေးပစ္စည်းများကို အသုံးပြုနိုင်စေရန် ရည်ရွယ်ချက်ဖြင့် စတင်ကျင့်သုံးသွားမည်ဖြစ်ရာ အဆိုပါစနစ်၏ ခွင့်ပြုစာရင်းတွင်ပါရှိရန် ပြည်သူများအနေဖြင့် မတ်လ(၃၁)ရက် နောက်ဆုံးထား၍ Sim Card များကို မိုဘိုင်းလက်ကိုင်ဖုန်းအတွင်း ဖွင့်လှစ်အသုံးပြုသင့်ခြင်းနှင့်ပတ်သက်ပြီး ဆက်သွယ်ရေးညွှန်ကြားမှုဦးစီးဌာန၊ ဒုတိယညွှန်ကြားရေးမှူးချုပ် ဦးဇာနည်အောင်၊ ပြည်တွင်းအခွန်များဦးစီးဌာန၊ ဒုတိယညွှန်ကြားရေးမှူး ဦးပြည့်ဖြိုးအောင်၊ အကောက်ခွန်ဦးစီးဌာန၊ လက်ထောက်ညွှန်ကြားရေးမှူး ဦးစည်သူကျော်တို့နှင့် မြန်မာ့အသံသတင်းထောက် စန်းစန်းဝေက တွေ့ဆုံမေးမြန်းထားပါသည်။