စေတုတ္တရာမြို့ ပြည်သူ့ဆေးရုံတွင် နိုင်ငံ့ဝန်ထမ်းအငြိမ်းစားများအား အပတ်စဉ် ဗုဒ္ဓဟူးနေ့တိုင်း အခမဲ့ဆေးကုသ ပေးလျက်ရှိ
မကွေးတိုင်းဒေသကြီး၊ စေတုတ္တရာမြို့ ပြည်သူ့ဆေးရုံတွင် အပတ်စဉ် ဗုဒ္ဓဟူးနေ့တိုင်း မြို့နယ်အတွင်းရှိ နိုင်ငံ့ဝန်ထမ်း အငြိမ်းစားများအား သွေးတိုးရောဂါ၊ သွေးချိုဆီးချိုရောဂါ၊ နှလုံးရောဂါများ အခမဲ့စစ်ဆေးပေးခြင်း၊ ဆေးကုသပေးခြင်းများ ဆောင်ရွက်ပေးလျက်ရှိရာ နိုဝင်ဘာလ (၁၅)ရက်နေ့က နိုင်ငံ့ဝန်ထမ်းအငြိမ်းစား (၂၀)ကျော်ကို ကျန်းမာရေး စောင့်ရှောက်မှုများ အခမဲ့ ဆောင်ရွက်ပေးခဲ့သည်ဟု မြို့နယ်ကုသရေးဦးစီးဌာနမှူး ဒေါက်တာ မျိုးကိုကိုဇင်၏ ပြောကြားချက်အရ သိရသည်။ မြန်မာ့အသံသတင်းထောက် နုယဉ်ဝင်းက ဆက်သွယ်မေးမြန်းထားပါသည်။