စေတုတ္တရာမြို့နယ်အတွင်း ၂၀၂၄ ခုနှစ်၊ လူဦးရေနှင့် အိမ်အကြောင်းအရာ သန်းခေါင်စာရင်း ဆက်လက်ကောက်ယူလျက်ရှိ
မင်းဘူးခရိုင်၊ စေတုတ္တရာမြို့နယ်အတွင်း၂၀၂၄ ခုနှစ်၊ လူဦးရေနှင့် အိမ်အကြောင်းအရာ သန်းခေါင်စာရင်းကို ကောက်ကွက်ပေါင်း (၉၆)ကွက်တွင် စာရင်းစစ်၊ စာရင်းကောက် (၄၂)ဦးနှင့် အောက်တိုဘာလ (၁)ရက်နေ့မှ စတင်ကောက်ယူလျက်ရှိရာ အောက်တိုဘာလ (၁၁)ရက်နေ့အထိ ကောက်ကွက်ပေါင်း (၇၈)ကွက်မှ အိမ်ထောင်စုပေါင်း (၇,၆၅၇)စု၊ လူဦးရေ (၂၆,၆၈၇) ဦးကို ကောက်ယူပြီးစီးပြီဖြစ်သည့်အတွက် တစ်မြို့နယ်လုံးအနေဖြင့် (၈၁ ဒသမ ၂၄)ရာခိုင်နှုန်း ကောက်ယူပြီးစီးနေပြီဖြစ်သည်ဟု လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ မြို့နယ်ဦးစီးမှူး ဦးအောင်သန်း၏ ပြောကြားချက်အရသိရသည်။ မြန်မာအသံသတင်းထောက် နုယဉ်ဝင်းက ဆက်သွယ်မေးမြန်းထားပါသည်။