ဆေးယဉ်ပါးနေသည့် ဗက်တီးရီးယားများပါရှိသည့် ငါး၊ ပုစွန်များ မစားသုံးမိစေရန် ငါးမွေးတောင်သူများအနေဖြင့် ပဋိဇီဝဆေးများ သုံးစွဲမှုကို သတိပြုသုံးစွဲသင့်
ငါးမွေးတောင်သူများအနေဖြင့် ပဋိဇီဝဆေးများအလွန်အမင်း သုံးစွဲခြင်းကြောင့် ဆေးယဉ်ပါးနေသည့် ဗက်တီးရီးယားများရှိလာပြီး ငါး၊ ပုစွန်များကို ပြည်သူများစားသုံးမိပါက ဆေးကုသမှုခက်ခဲသည့် အခြေအနေများ ကြုံတွေ့နိုင်သဖြင့် ပဋိဇီဝဆေးများ အလွန်အမင်းသုံးစွဲခြင်းကို ရှောင်ကြဉ်ပြီး လျှော့ချသုံးစွဲသင့်သည်ဟု ရန်ကုန်တက္ကသိုလ်သတ္တဗေဒဌာန၊ ငါးလုပ်ငန်းပညာမှ ရေနေသက်ရှိသတ္တဝါများ ရောဂါရှာဖွေရေး ဓာတ်ခွဲခန်းတာဝန်ခံ ဒေါက်တာ ယုယုအေး၏ ပြောကြားချက်အရ သိရသည်။ မြန်မာ့အသံ သတင်းထောက် စန်းစန်းဝေက ဆက်သွယ်မေးမြန်းထားပါသည်။