ဆန်ဆိုင်များကို သိုလှောင်ရုံ မှတ်ပုံတင်စနစ်အတွင်း ထည့်သွင်းနိုင်ရေး စီစဉ်ဆောင်ရွက်လျက်ရှိ
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်းအကောင်အထည်ဖော်ဆောင်ရွက်လျက်ရှိသည့် မြန်မာဆန်စပါးအွန်လိုင်း(MyRO) ဆန်သိုလှောင်ရုံမှတ်ပုံတင် စနစ်တွင် ဆန်တန်ချိန် (၅၀)သို့မဟုတ် စပါးတင်း (၅,၀၀၀)နှင့်အထက် သိုလှောင်သည့် ဆန်စပါး သိုလှောင်ရုံများအပြင် အသေးစား၊ အငယ်စားဆန်ဆိုင်များကိုပါ ထည့်သွင်းနိုင်ရေးစီစဉ်လျက်ရှိသည်ဟု မြန်မာနိုင်ငံ ဆန်စပါးအသင်းချုပ် ဥက္ကဋ္ဌ ဦးရဲမင်းအောင်၏ ပြောကြားချက်အရသိရသည်။ မြန်မာ့အသံသတင်းထောက် စန်းစန်းဝေက ဆက်သွယ်မေးမြန်းထားပါသည်။