စိုက်ပျိုးရေးနှင့်မွေးမြူရေးပညာရပ်များ တွဲဖက်သင်ကြားပေးမည့် အခြေခံပညာအထက်တန်းကျောင်း(၅၁) ကျောင်းတွင် တက်ရောက်ခွင့်များ လျှောက်ထားနိုင်
၂၀၂၃-၂၀၂၄ ပညာသင်နှစ်တွင် နိုင်ငံတစ်ဝန်းရှိ အခြေခံပညာအထက်တန်းကျောင်းနှင့် အစိုးရနည်းပညာ အထက်တန်းကျောင်း (၅၁)ကျောင်းတွင် စိုက်ပျိုးရေးနှင့်မွေးမြူရေးပညာရပ်များ စတင်တွဲဖက်သင်ကြားပေးမည်ဖြစ်ရာ အခြေခံပညာအလယ်တန်းအဆင့် (GRADE-9) အောင်မြင်ပြီးသူများ အဆိုပါ အခြေခံပညာအထက်တန်းကျောင်းများသို့ တက်ရောက်ခွင့်ကို မေလ (၁၈)ရက်နေ့ နောက်ဆုံးထား လျှောက်ထားနိုင်ပြီဟု စိုက်ပျိုးရေးဦးစီးဌာနမှ ဒုတိယညွှန်ကြားရေးမှူး ဒေါ်ကြည်ကြည်ချို၏ ပြောကြားချက်အရ သိရသည်။ မြန်မာ့အသံ သတင်းထောက် စန်းစန်းဝေက ဆက်သွယ်မေးမြန်းထားပါသည်။