စမ်းချောင်းမြို့နယ်အတွင်းရှိ အခြေခံပညာကျောင်းများအတွက် နိုင်ငံတော်မှ ပံ့ပိုးသည့် ကျောင်းသုံးစာရေးကိရိယာများနှင့် ကျောင်းဝတ်စုံများ အချိန်မီ ဖြန့်ဝေထားပြီးဖြစ်
ရန်ကုန်တိုင်းဒေသကြီး၊ စမ်းချောင်းမြို့နယ်အတွင်းရှိ အခြေခံပညာကျောင်းပေါင်း(၂၂) ကျောင်းအတွက် ၂၀၂၄-၂၀၂၅ ပညာသင်နှစ် ကျောင်းအပ်နှံရေးသီတင်းပတ်မတိုင်မီကတည်းက နိုင်ငံတော်မှထောက်ပံ့ပေးသည့် ကျောင်းသုံးစာရေးကိရိယာများနှင့် ကျောင်းဝတ်စုံများအား အချိန်မီဖြန့်ဝေပေးထားပြီးဖြစ်သည်ဟု မြို့နယ်ပညာရေးမှူး ဒေါ်စန္ဒာဦး၏ ပြောကြားချက်အရ သိရသည်။ မြန်မာ့အသံသတင်းထောက် စန်းစန်းဝေက ဆက်သွယ်မေးမြန်းထားပါသည်။