စွန့်ပစ်ပစ္စည်းများကို ပြန်လည်အသုံးပြုခြင်းဖြင့် ကျောင်းပတ်ဝန်းကျင် သန့်ရှင်းသာယာရေး ဆောင်ရွက်လျက်ရှိ
ရန်ကုန်တိုင်းဒေသကြီး၊ ဒဂုံမြို့နယ်အတွင်းရှိ အခြေခံပညာစာသင်ကျောင်းများတွင် စွန့်ပစ်ပစ္စည်းများဖြင့် အသုံးအဆောင်ပစ္စည်းများ ဖန်တီးပြုလုပ်ခြင်းပြိုင်ပွဲများ ပြုလုပ်ပေးခြင်းဖြင့် အမှိုက်များကို စနစ်တကျ စွန့်ပစ်တတ် စေရန် ဆောင်ရွက်ပေးလျက်ရှိသည်ဟု သိရသည်။ ရန်ကုန်မြို့တော်စည်ပင်သာယာရေးကော်မတီ၊ မြို့ပြပတ်ဝန်းကျင် ထိန်းသိမ်းရေးနှင့် သန့်ရှင်းရေးဌာန၊ ဒဂုံမြို့နယ်သန့်ရှင်းရေးတာဝန်ခံ ဦးအောင်၊ ဒဂုံမြို့နယ် အမှတ် (၁)အခြေခံပညာ အလယ်တန်းကျောင်း၊ ကျောင်းအုပ်ဆရာမကြီးဒေါက်တာဥမ္မာထွေး၊ ကျောင်းသူတစ်ဦးတို့နှင့် မြန်မာ့အသံသတင်းထောက် စန်းစန်းဝေက တွေ့ဆုံမေးမြန်းထားပါသည်။