စံပြယာဉ်မောင်းဆု၊ တာဝန်သိယာဉ်မောင်းဆုအပြင် ခရီးသွားပြည်သူများ အသိအမှတ်ပြု ယာဉ်မောင်းဆုများ ရွေးချယ်ချီးမြှင့်သွားမည်
ရန်ကုန်မြို့တွင်း မောင်းနှင်ပြေးဆွဲနေသည့် အများပြည်သူသုံး ပုဂ္ဂလိကယာဉ်များဖြစ်သော YBS ယာဉ်များ၏ အဓိက ကျသော YBS ယာဉ်မောင်းကြီးများအား ၂၀၂၄ ခုနှစ် တစ်နှစ်တာကာလအတွင်း ခရီးသွားပြည်သူများအပေါ် တာဝန်သိစွာ ဆောင်ရွက်ခဲ့မှုနှင့်ပြစ်မှုကင်းရှင်းစွာ မောင်းနှင်ခဲ့ကြသည့် ယာဉ်မောင်းများကိုစံပြယာဉ်မောင်းဆု၊ တာဝန်သိ ယာဉ်မောင်းဆုနှင့်ခရီးသွားပြည်သူများ အသိအမှတ်ပြုရွေးချယ်ပေးမည့် ယာဉ်မောင်းဆုများအား ပေးအပ်ချီးမြှင့် သွားမှာဖြစ်သည်ဟု ရန်ကုန်တိုင်းဒေသကြီးပုဂ္ဂလိက သယ်ယူပို့ဆောင်ရေးကြီးကြပ်မှုကော်မတီ( YRTC)မှတွဲဖက် အတွင်းရေးမှူး ဦးလျန်ကျင့်မန်၏ ပြောကြားချက်အရ သိရသည်။ မြန်မာ့အသံသတင်းထောက်စန်းစန်းဝေက ဆက်သွယ်မေးမြန်းထားပါသည်။