ဒေါ်လာ (၅၀၀) အောက်တန်ဖိုးရှိသည့် သစ်အချောထည် ပရိဘောဂပစ္စည်းများ စာရွက်စာတမ်းမလိုအပ်ဘဲ ပြည်ပသို့ တင်ပို့နိုင်ရေးညှိနှိုင်းလျက်ရှိ
ပြည်တွင်းထုတ် သစ်အချောထည် ပရိဘောဂပစ္စည်းများနှင့်ကြမ်းခင်းများကို ပြည်ပသို့တင်ပို့လျက်ရှိရာ တန်ဖိုးငွေ အမေရိကန်ဒေါ်လာ(၅၀၀)ထက်မကျော်ပါက စာရွက်စာတမ်းမလိုအပ်ဘဲ တင်ပို့ခွင့်ရရှိရန် မြန်မာနိုင်ငံသစ်အခြေခံ ပရိဘောဂလုပ်ငန်းရှင်များအသင်းနှင့် သစ်တောဦးစီးဌာနတို့ ညှိနှိုင်းလျက်ရှိသည်ဟု မြန်မာနိုင်ငံသစ်အခြေခံပရိဘောဂ လုပ်ငန်းရှင်များအသင်း ဒုတိယဥက္ကဋ္ဌ ဦးအောင်ကျော်မိုး၏ ပြောကြားချက်အရ သိရသည်။ မြန်မာ့အသံသတင်းထောက်စန်းစန်းဝေက ဆက်သွယ်မေးမြန်းထားပါသည်။