ဧရာဝတီတိုင်းဒေသကြီး မီးသတ်ဦးစီးဌာနမှကြီးမှူးပြီး (၇၇)နှစ်မြောက်မြန်မာနိုင်ငံမီးသတ်တပ်ဖွဲ့နေ့ အကြိုလှုပ်ရှားမှုများ ဆောင်ရွက်
မေလ (၅)ရက်နေ့တွင် ကျရောက်မည့် (၇၇)နှစ်မြောက် မြန်မာနိုင်ငံမီးသတ်တပ်ဖွဲ့နေ့ကို ကြိုဆိုဂုဏ်ပြုသောအားဖြင့် ဧရာဝတီတိုင်းဒေသကြီး မီးသတ်ဦးစီးဌာနမှကြီးမှူးပြီး ဘေးမဲ့ငါးလွှတ်ခြင်း၊ ဘုရားစေတီပုထိုးများတွင် စုပေါင်းသန့်ရှင်းရေးဆောင်ရွက်ခြင်း၊ သွေးလှူဒါန်းခြင်း၊ ဘိုးဘွားရိပ်သာများနှင့် မိဘမဲ့ဂေဟာများတွင် အာဟာရဒါနကျွေး မွေးခြင်းများ ဆောင်ရွက်လျက်ရှိသည်ဟု တိုင်းဒေသကြီးမီးသတ်ဦးစီးမှူး၊ ညွှန်ကြားရေးမှူး ဦးအောင်ဆွေဝင်း၏ ပြောကြားချက်အရ သိရသည်။ မြန်မာ့အသံသတင်းထောက် အေးစန္ဒာက ဆက်သွယ်မေးမြန်းထားပါသည်။