ဂဏန်း (၅) လုံးဖြင့် ဖွင့်လှစ်မည့် အောင်ဘာလေအွန်လိုင်းထီအား အောက်တိုဘာ (၁၅) ရက်နေ့တွင် စတင်ကံစမ်းနိုင်
တစ်လလျှင် တစ်ကြိမ်သာ ဖွင့်လှစ်ပေးခဲ့သည့် အောင်ဘာလေအွန်လိုင်းထီအား အောက်တိုဘာ (၁၅) ရက်နေ့မှစပြီး အက္ခရာ (၁)လုံးနှင့် ဂဏန်း (၅)လုံးပါ အောင်ဘာလေအွန်လိုင်းသိန်းဆုထီအဖြစ် (၁)လလျှင် (၂)ကြိမ်ရောင်းချပေးမည်ဖြစ်ရာ လတစ်လ၏ (၁)ရက်မှ (၁၄)ရက်အထိ (၁)ကြိမ်နှင့် (၁၆)ရက်မှ လကုန်မတိုင်မီ (၁)ရက်အလိုအထိ (၁)ကြိမ် စုစုပေါင်း (၂)ကြိမ်ရောင်းချပေးသွားမည်ဖြစ်ကြောင်း Telecom International Myanmar မှ Marketing Executive ဒေါ်ခိုင်မေသော်၏ ပြောကြားချက်အရ သိရသည်။ မြန်မာ့အသံသတင်းထောက် စန်းစန်းဝေက တွေ့ဆုံမေးမြန်းထားပါသည်။