ခါးရောဂါနှင့်ပတ်သက်၍ လူလတ်ပိုင်းအရွယ်များတွင် ခါးဆစ်ကျွံရောဂါအဖြစ်များကြောင်း တွေ့ရှိနေရ
နေ့စဉ်လူမှုဘဝနေထိုင်မှုပုံစံများ၊ သွားလာလှုပ်ရှားမှုပုံစံများ ပြောင်းလဲလာပြီး အထိုင်များလာခြင်း၊ ကိုယ်လက်လှုပ်ရှား အားကစားပြုလုပ်မှုများ နည်းလာခြင်းကြောင့် ခါးဆစ်များအားနည်းလာကာ ခါးဆစ်များ ကျွံလာခြင်း၊ ခါးများစောင်းလာခြင်းများ ဖြစ်ပေါ်လာသလို လူလတ်ပိုင်းအရွယ်များတွင် ခါးဆစ်ကျွံရောဂါအဖြစ်များခြင်း တွေ့ရှိနေရသည်ဟု ကျောရိုးပိုင်းဆိုင်ရာ ခွဲစိတ်အထူးကုဆရာဝန်ကြီး ဒေါက်တာရှိန်မြင့်ဟန်၏ ပြောကြားချက်အရ သိရသည်။ မြန်မာ့အသံ သတင်းထောက် စန်းစန်းဝေက တွေ့ဆုံမေးမြန်းထားပါသည်။