ကိုရီးယားသမ္မတနိုင်ငံမှ လှူဒါန်းသော ဆန်တန်ချိန် (၂၁၀)တန်အား စိုက်ပျိုးရေးဦးစီးဌာနမှတစ်ဆင့် စစ်ကိုင်းတိုင်းဒေသကြီး အစိုးရအဖွဲ့သို့ လွှဲပြောင်းပေးအပ်
အာဆီယံအရေးပေါ်ဆန်အရန်ရိက္ခာအစီအစဉ်-၃(၂၀၂၅)အရ ကိုရီးယားသမ္မတနိုင်ငံမှ လှူဒါန်းသော ဆန် (၂၁၀)တန်အား စစ်ကိုင်းတိုင်းဒေသကြီးရှိ ငလျင်ဘေးသင့်ပြည်သူများထံထောက်ပံ့ရန် စိုက်ပျိုးရေးဦးစီးဌာနမှတစ်ဆင့် စစ်ကိုင်းတိုင်းဒေသကြီးအစိုးရအဖွဲ့သို့ လွှဲပြောင်းပေးအပ်ပွဲအခမ်းအနားကို မတ်လ (၃)ရက်နေ့က စစ်ကိုင်းမြို့၊ စိုက်ပျိုးရေးဦးစီးဌာန၊ ခရိုင်ဦးစီးမှူးရုံးတွင် ကျင်းပခဲ့ခြင်းနှင့်ပတ်သက်ပြီး တိုင်းဒေသကြီးစိုက်ပျိုးရေးဦးစီးဌာနမှ ညွှန်ကြားရေးမှူး ဦးစိန်မောင်မြင့်၊ ပြည်သူတစ်ဦးတို့နှင့် မြန်မာ့အသံသတင်းထောက် အောင်ဇေယျာဝင်းက တွေ့ဆုံမေးမြန်းထားပါသည်။