မြစ်သားမြို့နယ်အတွင်းရှိ ကင်းတားရေလှောင်တမံ ကန်ရေပြည့်မှတ် (၉ ဒသမ ၃)ပေ ကျန်ရှိနေပြီး စိုးရိမ်စရာအခြေအနေ မရှိ
မန္တလေးတိုင်းဒေသကြီး၊ မြစ်သားမြို့နယ်အတွင်းရှိ ကင်းတားရေလှောင်တမံ ကန်ရေပြည့်မှတ် (၉ ဒသမ ၃) ပေ ကျန်ရှိနေပြီး တမံကြံ့ခိုင်မှုအခြေအနေနှင့် ရေဝင်ရောက်မှုအခြေအနေများအား ရေကင်းများ ချထားပြီး (၂၄)နာရီ နေ့ညမပြတ် စောင့်ကြပ်လျက်ရှိရာ စိုးရိမ်စရာအခြေအနေမရှိကြောင်း မြစ်သားမြို့နယ်ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာန၊ လက်ထောက်ညွှန်ကြားရေးမှူး (မြို့ပြ) ဦးတင်မြင့်အောင်၏ ပြောကြားချက်အရ သိရသည်။ မြန်မာ့အသံသတင်းထောက် အောင်ဇေယျာဝင်းက ဆက်သွယ်မေးမြန်းထားပါသည်။