မောင်တောခရိုင်တွင် ယခုနှစ်အတွင်း ငါးသားပေါက်ကောင်ရေ (၄၂၀,၀၀၀)ခန့်မျိုးစိုက်ထည့်ပြီးဖြစ်
ရခိုင်ပြည်နယ်၊ မောင်တောခရိုင်တွင် ရေချိုငါးသားပေါက်စခန်း (၂)ခုရှိပြီး နှစ်စဉ် ရေချိုငါးသားပေါက်ကောင်ရေ (၇၀၀,၀၀၀)ခန့် ထုတ်လုပ်ပေးလျက်ရှိရာ ယခုနှစ်တွင် ငါးသားပေါက်ကောင်ရေ (၄၂၀,၀၀၀)ခန့်မျိုး စိုက်ထည့် ထားပြီးဖြစ်သည်ဟု မောင်တောခရိုင်၊ ငါးလုပ်ငန်းဦးစီးဌာနမှ ဒုတိယညွှန်ကြားရေးမှူး ဦးနိုင်လင်းသိန်း၏ ပြောကြားချက်အရ သိရသည်။ မြန်မာ့အသံသတင်းထောက် ကျော်သက်အောင်က ဆက်သွယ်မေးမြန်းထားပါသည်။