မြို့ပြပတ်ဝန်းကျင်သန့်ရှင်းရေးအတွက် အမှိုက်သိမ်းယာဉ် အခြေခံယာဉ်မောင်းသင်တန်းကို စာတွေ့၊ လက်တွေ့ သင်ကြားပေးလျက်ရှိ
ရန်ကုန်တိုင်းဒေသကြီးအတွင်းရှိ ပတ်ဝန်းကျင်သန့်ရှင်းသာယာစေရေးအတွက် စွန့်ပစ်အမှိုက်များအား နေ့စဉ် အမှိုက်သိမ်းယာဉ်ကြီး၊ ယာဉ်ငယ်များဖြင့် လှည့်လည်သိမ်းဆည်းလျက်ရှိရာ အဆိုပါ အမှိုက်သိမ်းယာဉ်များအား စနစ်တကျ မောင်းနှင်ထိန်းသိမ်းတတ်စေရန် စာတွေ့၊ လက်တွေ့သင်ကြားခြင်းများအပြင် ကွန်ပျူတာအသုံးပြု မောင်းနှင်ခြင်းများကိုပါ လေ့ကျင့်သင်ကြားပေးလျက်ရှိသည်ဟု မြို့ပြပတ်ဝန်းကျင် ထိန်းသိမ်းရေးနှင့် သန့်ရှင်းရေးဌာန မော်တော်ယာဉ်ဌာနခွဲမှ ဒုတိယကြီးကြပ်ရေးမှူး ဦးကိုကိုလွင်၏ ပြောကြားချက်အရ သိရသည်။ မြန်မာ့အသံ သတင်းထောက် စန်းစန်းဝေက တွေ့ဆုံမေးမြန်းထားပါသည်။