မင်းဘူးခရိုင်အတွင်း မိုးရာသီစိုက်ပျိုးစရိတ်ချေးငွေ ကျပ်သန်း (၁၅,၀၀၀) ကျော် ထုတ်ချေးပေးလျက်ရှိ
မကွေးတိုင်းဒေသကြီး၊ မင်းဘူးခရိုင်အတွင်း မိုးရာသီစိုက်ပျိုးစရိတ်ချေးငွေကို မြို့နယ် (၅)မြို့နယ်မှ တောင်သူများအတွက် ငွေကျပ်သန်း (၁၅,၀၀၀)ကျော် ထုတ်ချေးပေးရန် လျာထားဆောင်ရွက်လျက်ရှိရာ လက်ရှိတွင် ငွေကျပ်သန်း (၆,၄၀၀)ကျော် ထုတ်ချေးပေးပြီးဖြစ်သည်ဟု မြန်မာ့လယ်ယာဖွံ့ဖြိုးရေးဘဏ်မှ ခရိုင်ဘဏ်မာန်နေဂျာ ဦးဝင်းဌေးဦး၏ ပြောကြားချက်အရသိရသည်။ မြန်မာ့အသံသတင်းထောက် နုယဉ်ဝင်းက ဆက်သွယ်မေးမြန်းထားပါသည်။