မန္တလေးမြို့၊ အောင်မြေသာစံမြို့နယ် ၊ အမရဌာနအရှေ့ရပ်ကွက် မီးလောင်မှုကြောင့် စုစုပေါင်း လူနေအိမ်(၃၆)လုံးမီးလောင်ဆုံးရှုံးခဲ့
မေလ(၁၀)ရက် မနက်(၁၁)နာရီကျော်အချိန်ခန့်က မန္တလေးမြို့ အောင်မြေသာစံမြို့နယ်၊ အမရဌာနီအရှေ့ ရပ်ကွက် ( ၇၈)လမ်း (၈)လမ်းနှင့် (၉)လမ်းအကြားရှိ နေအိမ်တစ်အိမ်မှ မီးစတင်လောင်ကျွမ်းမှုဖြစ်ပွားခဲ့ခြင်းကြောင့် စုစုပေါင်းနေအိမ် (၃၆)လုံးဆုံးရှုံးခဲ့ပြီး ဆုံးရှုံးမှုတန်ဖိုးကျပ် သိန်းပေါင်း(၂၉၂)သိန်းကျော်ရှိခဲ့သည်ဟု မန္တလေးတိုင်းဒေသကြီး မီးသတ်ဦးစီးဌာနမှူး ညွှန်ကြားရေးမှူး ဦးဇော်ဝင်းထွန်း၏ ပြောကြားချက်အရ သိရသည်။ မြန်မာ့အသံသတင်းထောက် ကြည်ပြာဝင်းက ဆက်သွယ်မေးမြန်းထားပါသည်။