မန္တလေးမြို့တွင် အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အခမ်းအနားကျင်းပ
(၃၇)ကြိမ်မြောက် အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အခမ်းအနားကို ဇွန်လ (၂၆)ရက်နေ့က မန္တလေးမြို့၊ ချမ်းမြသာစည်လေယာဉ်ကွင်းဟောင်းတွင် ကျင်းပခဲ့ရာ ဖမ်းဆီးရမိ မူးယစ်ဆေးဝါးနှင့် ထိန်းချုပ်ဓါတုပစ္စည်း (၄၁)မျိုး တန်ဖိုးအမေရိကန်ဒေါ်လာ (၁၂၅ ဒသမ ၅၃၉) သန်းကျော်ကို မီးရှို့ဖျက်ဆီးခဲ့ခြင်းနှင့် ပတ်သက်ပြီး မန္တလေးမြို့၊ အမှတ် (၁) မူးယစ်ဆေးဝါးတားဆီး နှိမ်နင်းရေးရဲတပ်ဖွဲ့ခွဲမှ တပ်ဖွဲ့ခွဲမှူး ဒုတိယ ရဲမှူးကြီး အုံးခိုင်၊ လာရောက်လေ့လာသူများနှင့် မြန်မာ့အသံသတင်းထောက် အောင်ဇေယျာဝင်းက တွေ့ဆုံမေးမြန်းထားပါသည်။