မန္တလေးငလျင်ဘေး ရန်ပုံငွေ ဖျော်ဖြေပွဲကို လာရောက်ကြည့်ရှုသူများ အဆင်ပြေစေရန် YBS ယာဉ်များ ပြေးဆွဲပေးသွားမည်
မန္တလေးငလျင်ကြီးကြောင့် ထိခိုက်ပျက်စီးခဲ့ရသည့်ဒေသများမှ ငလျင်ဘေးသင့်ပြည်သူများအတွက် ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန် ရုပ်ရှင်၊ ဂီတ၊ သဘင် ရန်ပုံငွေဖျော်ဖြေပွဲကို မေလ (၁၀)ရက်မှ (၁၁)ရက်အထိ ရန်ကုန်မြို့ အမျိုးသားဇာတ်ရုံတွင် ပြုလုပ်သွားမည်ဖြစ်ရာ အဆိုပါ ဖျော်ဖြေပွဲကို လာရောက်ကြသည့် ပြည်သူများ အပြန်ခရီး အဆင်ပြေစေရန် YBS ယာဉ်လိုင်းများ ပြေးဆွဲပေးမည်နှင့်ပတ်သက်ပြီး ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ(YRTC) တွဲဖက်အတွင်းရေးမှူး ဦးလျန်ကျင့်မန်နှင့် မြန်မာ့အသံ သတင်းထောက် စန်းစန်းဝေက တွေ့ဆုံမေးမြန်းထားပါသည်။