ပဉ္စမအကြိမ် အမျိုးသားအားကစားပွဲတော်သို့ ရှမ်းပြည်နယ်ကိုယ်စားပြု ဝင်ရောက်ယှဉ်ပြိုင်မည့် အားကစားသမားများအား အောက်တိုဘာလတွင် စခန်းသွင်းလေ့ကျင့်ပေးမည်
ပဉ္စမအကြိမ် အမျိုးသားအားကစားပွဲတော်တွင် ရှမ်းပြည်နယ်ကိုယ်စားပြုအသင်းမှ အားကစားနည်း (၂၃) နည်း ဝင်ရောက် ယှဉ်ပြိုင်မည်ဖြစ်ရာ ယခုလက်ရှိတွင် အားကစားနည်းအလိုက် လေ့ကျင့်လျက်ရှိပြီး လူရွေးချယ်မှုပြီးဆုံးပါက အောက်တိုဘာလတွင် စခန်းသွင်းလေ့ကျင့်သွားမည်ဖြစ်သည်ဟု ပြည်နယ် အားကစားနှင့်ကာယပညာဦးစီးဌာန၊ ညွှန်ကြားရေးမှူး ဦးကျော်ကျော်သိန်း၏ ပြောကြားချက်အရ သိရသည်။ မြန်မာ့အသံသတင်းထောက် မျိုးမြင့်မြင့်မြတ်က ဆက်သွယ်မေးမြန်း ထားပါသည်။