ပုဂံရှေးဟောင်း ယဉ်ကျေးမှုနယ်မြေသို့ ၂၀၂၂ ခုနှစ်အတွင်း ပြည်တွင်း၊ ပြည်ပ ခရီးသွားဧည့်သည် (၁) သန်းကျော် လာရောက်လည်ပတ်ခဲ့
ပုဂံရှေးဟောင်းယဉ်ကျေးမှုနယ်မြေသို့ ၂၀၂၂ ခုနှစ် ဇန်နဝါရီလမှ ဒီဇင်ဘာလအထိ တစ်နှစ်တာကာလအတွင်း ပြည်တွင်း၊ ပြည်ပ ခရီးသွားဧည့်သည် (၁) သန်းကျော် လာရောက်လည်ပတ်ခဲ့ပြီး ဟိုတယ်နှင့် တည်းခိုရိပ်သာများတွင် တည်းခိုသူ (၂၈၀,၀၀၀) ကျော်ရှိသည်ဟု ဟိုတယ်နှင့်ခရီးသွားညွှန်ကြားမှုဦးစီးဌာန (ပုဂံရုံးခွဲ)မှ လက်ထောက်ညွှန်ကြားရေးမှူး ဦးမျိုးမင်းအောင်၏ ပြောကြားချက်အရသိရသည်။ မြန်မာ့အသံသတင်းထောက် စန်းသီရိဆွေက ဆက်သွယ်မေးမြန်းထားပါသည်။