ရွှေစင်၊ ရွှေတုံးများနှင့် ရွှေထည် လက်ဝတ်ရတနာများ ရောင်းချခြင်းမှ ရောင်းရငွေအပေါ်နှင့် ပြည်ပမှတင်သွင်းခြင်း များအတွက် ကုန်သွယ်လုပ်ငန်းခွန်ကို သုံးရာခိုင်နှုန်း ကောက်ခံသွားမည်

ရွှေစင်၊ ရွှေတုံးများ(စံချိန်မီ ရွှေချောင်း၊ ရွှေတုံး၊ ရွှေဒင်္ဂါးများ)နှင့် ရွှေထည်လက်ဝတ်ရတနာများရောင်းရငွေအပေါ်နှင့် ပြည်ပမှတင်သွင်းခြင်းများအတွက် ကုန်သွယ်လုပ်ငန်းခွန်ကို သုံးရာခိုင်နှုန်းအဖြစ် ပြင်ဆင်ကောက်ခံမည့် ၂ဝ၂၄ ခုနှစ်၊ ပြည်ထောင်စု၏ အခွန်အကောက်ဥပဒေကိုပြင်ဆင်သည့်ဥပဒေ ပြဋ္ဌာန်းလိုက်ခြင်းနှင့်ပတ်သက်ပြီး ပြည်တွင်းအခွန်များ ဦးစီးဌာနမှ တာဝန်ရှိသူတစ်ဦးနှင့် မြန်မာ့အသံသတင်းထောက်စန်းစန်းဝေက ဆက်သွယ်မေးမြန်းထားပါသည်။