ရေနံချောင်းမြို့ ချောင်းတိမ်ချောင်းကမ်းပြိုကာကွယ်ရေးလုပ်ငန်းအဖြစ် မြေထိန်းနံရံ တည်ဆောက်လျက်ရှိ
မကွေးတိုင်းဒေသကြီး၊ ရေနံချောင်းမြို့ အိုးဘိုရပ်ကွက်ရှိ ချောင်းတိမ်ချောင်းရေကြီးရေလျှံမှုမှ ကာကွယ်နိုင်ရန်အတွက် တိုင်းဒေသကြီး ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာနမှ ကမ်းပြိုကာကွယ်ရေးလုပ်ငန်းအဖြစ် မြေထိန်းနံရံတည်ဆောက်လျက်ရှိသည်ဟု တိုင်းဒေသကြီးရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ ညွှန်ကြားရေးမှူး ဦးဌေးအောင်၏ ပြောကြားချက်အရ သိရသည်။ မြန်မာ့အသံသတင်းထောက် နုယဉ်ဝင်းက ဆက်သွယ်မေးမြန်းထားပါသည်။