ရန်ကုန်မြို့ မျက်စိရောဂါအထူးကုဆေးရုံကြီးတွင် တစ်နေ့လျှင် မျက်စိရောဂါလူနာ (၅၀၀) ခန့် လက်ခံကုသပေးလျက်ရှိ
ကုသရန်ခက်ခဲသည့် တစ်နိုင်ငံလုံးမှ မျက်စိရောဂါလူနာများကို လက်ခံကုသပေးနေသည့် နောက်ဆုံးအဆင့် လွှဲပြောင်းကုသမှုပေးရာ ရန်ကုန်မြို့ မျက်စိရောဂါအထူးကုဆေးရုံကြီးတွင် အရေးပေါ် ပြင်ပလူနာဌာနကို (၂၄)နာရီ ဖွင့်လှစ်ပြီး မျက်စိဝေဒနာရောဂါအမျိုးမျိုးကို လက်ခံကုသပေးလျက်ရှိရာ တစ်နေ့လျှင် မျက်စိရောဂါလူနာ (၅၀၀) ခန့် လက်ခံကုသပေးလျက်ရှိကြောင်း မျက်စိရောဂါအထူးကုဆေးရုံအုပ်ကြီး ဒေါက်တာခင်နန်းလုံ၏ ပြောကြားချက်အရ သိရသည်။ မြန်မာ့အသံသတင်းထောက် စန်းစန်းဝေက တွေ့ဆုံမေးမြန်းထားပါသည်။