ရန်ကုန်မြို့ ပြည်သူ့ရင်ပြင်တွင် ကျင်းပမည့် သီတင်းကျွတ်မီးထွန်းပွဲတော်တွင် YBS ယာဉ်များ ပြေးဆွဲပေးသွားမည်
ရန်ကုန်မြို့ ပြည်သူ့ရင်ပြင်၌ အောက်တိုဘာ(၂၇)ရက်မှ (၃၀)ရက်နေ့အထိ ကျင်းပပြုလုပ်မည့် သီတင်းကျွတ် မီးထွန်းပွဲတော်နှင့် ဈေးရောင်းပွဲတော်သို့ လာရောက်မည့် အများပြည်သူများ သွားလာရေး အဆင်ပြေစေရန် YBS ယာဉ်လိုင်း(၇)လိုင်းမှ ည (၁၀) နာရီအချိန်အထိ ပြေးဆွဲပေးသွားမည်ဟု ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC)မှ တွဲဖက်အတွင်းရေးမှူး ဦးလျန်ကျင့်မန်၏ ပြောကြားချက်အရ သိရသည်။ မြန်မာ့အသံ သတင်းထောက် စန်းစန်းဝေက တွေ့ဆုံမေးမြန်းထားပါသည်။