ရန်ကုန်မြို့တော်ဝန် မဟာသင်္ကြန်ရေကစားမဏ္ဍပ်တွင် ရိုးရာယဉ်ကျေးမှုနှင့်အညီ အေးချမ်းသာယာသည့်သင်္ကြန် (အေးသင်္ကြန်) အဖြစ်ကျင်းပ
ရန်ကုန်မြို့တော်ဝန် မဟာသင်္ကြန်ရေကစားမဏ္ဍပ်အနေဖြင့် မြန်မာသက္ကရာဇ် ၁၃၈၆ ခုနှစ် မြန်မာ့ရိုးရာနှစ်သစ်ကူး မဟာသင်္ကြန်ပွဲတော်အား သီဆိုကခုန်မှုများ မပါဝင်ဘဲ မြန်မာ့ရိုးရာအစဉ်အလာနှင့်အညီ လောင်းလှေဖြင့် ရေပက်ကစားခြင်း၊ စတုဒိသာကျွေးမွေးလှူဒါန်းခြင်း၊ မြန်မာ့သနပ်ခါးယဉ်ကျေးမှုဓလေ့ကို သရုပ်ဖော်ပြသသည့် သနပ်ခါးလိမ်းခြင်းများဖြင့် အေးချမ်းသာယာစွာ ကျင်းပပြုလုပ်နေခြင်းနှင့်ပတ်သက်ပြီး ရန်ကုန်မြို့တော်စည်ပင်သာယာရေးကော်မတီ၊ ပြည်သူ့ဆက်ဆံရေးနှင့် ပြန်ကြားရေးဌာန၊ ဌာနမှူး ဦးဇော်မင်းအောင်၊ မြန်မာ့ရိုးရာသင်္ကြန်ပွဲတွင် ပါဝင်ဆင်နွှဲနေသူ ပြည်သူတစ်ဦးတို့နှင့် မြန်မာ့အသံ သတင်းထောက် စန်းစန်းဝေက တွေ့ဆုံမေးမြန်းထားပါသည်။