ရန်ကုန်တိရစ္ဆာန်ဥယျာဉ်သို့ လာရောက်လေ့လာကြမည့် ပြည်သူများအတွက် Keeper Talk Show အစီအစဉ် ထည့်သွင်းကျင်းပလျက်ရှိ
ရန်ကုန်တိရစ္ဆာန်ဥယျာဉ်တွင် လက်ရှိမှာသတ္တဝါမျိုးစိတ်ပေါင်း (၁၃၀) ကျော်၊ အကောင်ရေပေါင်း (၁၃၆၀) ကျော်ရှိပြီး လက်ရှိတွင် နို့တိုက်သတ္တဝါအုပ်စု၊ ကျေးငှက်သတ္တဝါအုပ်စု၊ တွားသွားသတ္တဝါအုပ်စုစသဖြင့် အုပ်စု (၃) ခုခွဲ ပြသလျက်ရှိပြီး ပြည်တွင်း၊ ပြည်ပမှ လာရောက်လေ့လာကြသည့် ပြည်သူများအတွက် Keeper Talk Show အစီအစဉ် ထည့်သွင်း ကျင်းပလျက်ရှိသည်ဟု ရန်ကုန် တိရစ္ဆာန်ဥယျာဉ်မှ အုပ်ချုပ်ရေးမှူး ဦးသန်းမြင့်ထွန်း၏ ပြောကြားချက်အရ သိရသည်။ မြန်မာ့အသံသတင်းထောက် မျိုးမြင့်မြင့်မြတ်က ဆက်သွယ်မေးမြန်းထားပါသည်။