ရန်ကုန်တိုင်းဒေသကြီးအစိုးရအဖွဲ့၏ ဦးဆောင်မှုဖြင့် မြန်မာနှစ်ဆန်းတစ်ရက်နေ့တွင် ဇီဝိတဒါနအဖြစ် ငှက်နှင့် ငါးလွှတ်ပွဲ ကျင်းပ
ရန်ကုန်တိုင်းဒေသကြီးအစိုးရအဖွဲ့၏ ဦးဆောင်မှုဖြင့် တိုင်းဒေသကြီးအတွင်းရှိ ဌာနဆိုင်ရာများပူးပေါင်း၍ မြန်မာ နှစ်ဆန်းတစ်ရက်တွင် ဇီဝိတဒါနအလှူအဖြစ် ငှက်ကောင်ရေ (၁,၀၃၆)ကောင်နှင့် ငါးအကောင်ရေ (၂၀၀,၀၀၀)ကို ရန်ကုန်မြို့ ကန်တော်ကြီးရေပြင်နှင့် ဥယျာဉ်အတွင်း ဘေးမဲ့လွှတ်ပေးခဲ့ခြင်းနှင့် ပတ်သက်ပြီး တိုင်းဒေသကြီး၊ သာသနာရေးဦးစီးဌာန၊ ညွှန်ကြားရေးမှူး ဦးဇော်ဦး၊ တိုင်းဒေသကြီး၊ ငါးလုပ်ငန်းဦးစီးဌာန ညွှန်ကြားရေးမှူး ဦးမြင့်ရွှေတို့နှင့် မြန်မာ့အသံသတင်းထောက် စန်းစန်းဝေက တွေ့ဆုံမေးမြန်းထားပါသည်။