ရန်ကုန်တိုင်းဒေသကြီးတွင် လျှပ်စစ်မော်တော်ယာဉ်(EV) ကားများ ဓာတ်အားသွင်းရန်အတွက် အားသွင်းရုံများ တည်ဆောက်လျက်ရှိ
မြန်မာနိုင်ငံတွင် လျှပ်စစ်ကား(EV)များကို ပြည်သူများ အဆင်ပြေစွာ အသုံးပြုစီးနိုင်ရန်အတွက် လျှပ်စစ်အားသွင်း ရုံ(public station )ကို ရန်ကုန်ဘူတာကြီး၊ အောင်မင်္ဂလာအဝေးပြေးကွင်း၊ သီရိမင်္ဂလာဈေး၊ သခင်မြပန်းခြံနှင့် ရန်ကုန်လေဆိပ်တို့တွင် စတင်ဆောင်ရွက်နေပြီး နောက်ထပ်ဆီဆိုင် (၃၈)ဆိုင်တွင် ထပ်မံတပ်ဆင်ရန်ရှိသည်ဟု မော်တော်ယာဉ်ထုတ်လုပ်ဖြန့်ဖြူးသူများ အသင်းနာယက ဒေါက်တာစိုးထွန်း၏ ပြောကြားချက်အရ သိရသည်။ မြန်မာ့အသံသတင်းထောက် သဇင်အောင်က တွေ့ဆုံမေးမြန်းထားပါသည်။