တညင်းကုန်းလက်ကားဈေးကြီး၊ ဈေးရုံအမှတ် (၄)တွင် ရာသီပေါ်သီးနှံနှင့် သားငါးဆိုင်ခန်းများ ဖွင့်လှစ်ရောင်းချလျက်ရှိ
ရန်ကုန်တိုင်းဒေသကြီး အင်းစိန်မြို့နယ်ရှိ တညင်းကုန်းလက်ကားဈေးကြီးတွင် ရာသီပေါ်သီးနှံနှင့် သားငါး ဆိုင်ခန်းများကို ဈေးရုံအမှတ် (၄) တွင် ဆိုင်ခန်းပေါင်း (၁,၄၀၀) ကျော်ဖြင့် ဖွင့်လှစ်ရောင်းချပေးလျက်ရှိရာတွင် ဆိုင်ခန်းပေါင်း (၁၀၀) ကျော် လစ်လပ်နေခြင်းကြောင့် ရာသီပေါ်သီးနှံများ ရောင်းချလိုသူများအနေဖြင့် သတ်မှတ်ထားသည့် ပုံစံများနှင့်အညီ လာရောက်ငှားရမ်းနိုင်သည်ဟု တညင်းကုန်းလက်ကားဈေး၊ လုပ်ငန်းရေးရာဌာနမှ ဒုတိယအထွေထွေမန်နေဂျာ ဦးရဲထွန်း၏ ပြောကြားချက်အရသိရသည်။ မြန်မာ့အသံသတင်းထောက် မျိုးမြင့်မြင့်မြတ်က ဆက်သွယ်မေးမြန်း ထားပါသည်။