ယာဉ်မတော်တဆမှုကြောင့် အသက် (၁၅) နှစ်အောက် ကလေးများ အများဆုံး သေဆုံးနေရ
ယာဉ်မတော်တဆမှုကြောင့် ကမ္ဘာပေါ်တွင် အသက် (၁၅) နှစ်နှင့်အောက် ကလေးငယ် အများဆုံး သေဆုံးနေရသည့်အတွက် ကျောင်းနေအရွယ် ကလေးငယ်များ ယာဉ်လမ်းအန္တရာယ် မကျရောက်စေရန် ယာဉ်/လမ်းအန္တရာယ်ကင်းရှင်းရေး အသိပညာပေးဟောပြောပွဲကို ရန်ကုန်မြို့၊ ရွှေပြည်သာမြို့နယ် အ.ထ.က (၆) တွင် ဇူလိုင် (၂၂) ရက်နေ့က ကျင်းပခဲ့ကြောင်း ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ (YRTC)မှ တွဲဖက်အတွင်းရေးမှူး ဦးလျန်ကျင့်မန်၏ ပြောကြားချက်အရ သိရသည်။ မြန်မာ့အသံသတင်းထောက် စန်းစန်းဝေက တွေ့ဆုံမေးမြန်း ထားပါသည်။