ယာဉ်မတော်တဆမှုများကြောင့် အသက်ဆုံးရှုံးခြင်းများ လျော့နည်းကျဆင်းစေရန် အသိပညာပေးလုပ်ငန်းများ ဆောင်ရွက်လျက်ရှိ
YBS ယာဉ်များဖြင့် စီးနင်းသွားလာနေကြသည့် တက္ကသိုလ်များရှိ ဆရာ၊ ဆရာမများ၊ ကျောင်းသား၊ ကျောင်းသူများအနေဖြင့် ယာဉ်စည်းကမ်း၊ လမ်းစည်းကမ်းဆိုင်ရာသတိပေးချက်များ သိရှိလိုက်နာဆောင်ရွက်ခြင်းဖြင့် ယာဉ်မတော်တဆမှုများ မဖြစ်စေရန် ယာဉ်အန္တရာယ်လမ်းအန္တရာယ်ဆိုင်ရာ အသိပညာပေးဟောပြောပွဲကို ရန်ကုန်အနောက်ပိုင်းတက္ကသိုလ်တွင် ဇန်နဝါရီ (၉)ရက်က ကျင်းပပြုလုပ်ခဲ့ခြင်းနှင့် ပတ်သက်၍ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ (YRTC)၊ တွဲဖက်အတွင်းရေးမှူး ဦးလျန်ကျင့်မန်၊ ရန်ကုန်အနောက်ပိုင်းတက္ကသိုလ်၊ ဒုတိယပါမောက္ခချုပ် ဒေါက်တာခင်နွဲ့ရီတို့နှင့် မြန်မာ့အသံသတင်းထောက် စန်းစန်းဝေက တွေ့ဆုံမေးမြန်းထားပါသည်။