ယခုဘဏ္ဍာနှစ်တွင် စစ်ကိုင်းခရိုင် အသေးစားစက်မှုလက်မှုလုပ်ငန်းဦးစီးဌာနအနေဖြင့် လုပ်ငန်းမှတ်ပုံတင် လျာထားချက်ထက်ကျော်လွန် ထုတ်ပေးနိုင်ခဲ့
စစ်ကိုင်းခရိုင် အသေးစားစက်မှုလက်မှုလုပ်ငန်းဉီးစီးဌာနက ၂၀၂၄-၂၀၂၅ ဘဏ္ဍာနှစ်အတွင်း လုပ်ငန်းမှတ်ပုံတင်(၃၅)ခု လျာထားဆောင်ရွက်ခဲ့ရာတွင် ယနေ့အချိန်အထိ လုပ်ငန်းမှတ်ပုံတင်(၆၁)ခု ခွင့်ပြုထုတ်ပေးနိုင်ခဲ့ပြီး (၁၁)စောင်ကို စိစစ်ဆောင်ရွက်ဆဲဖြစ်သည့်အတွက် လျာထားချက်ထက်ကျော်လွန် ထုတ်ပေးနိုင်ခဲ့သည်ဟု ခရိုင်အသေးစားစက်မှု လက်မှုလုပ်ငန်းဦးစီးဌာန၊ လက်ထောက်ညွှန်ကြားရေးမှူး ဦးဝေလျှံစိုး၏ပြောကြားချက်အရ သိရသည်။ မြန်မာ့အသံ သတင်းထောက်အောင်ဇေယျာဝင်းက တွေ့ဆုံမေးမြန်းထားပါသည်။