ယခုဘဏ္ဍာနှစ်တွင် မန္တလေးတိုင်းဒေသကြီးအတွင်း ငါးသားပေါက်ကောင်ရေ (၅၀ ဒသမ ၈၇)သိန်း ငါးမျိုးစိုက်ထည့်ပေးထားပြီးဖြစ်
ငါးမျိုးပြုန်းတီးမှုမရှိစေရေးနှင့် ငါးရိက္ခာဖူလုံစေရေးအတွက် မန္တလေးတိုင်းဒေသကြီး၊ ငါးလုပ်ငန်းဦးစီးဌာနအနေဖြင့် ယခုဘဏ္ဍာနှစ်တွင် (၂)လက်မအရွယ် ငါးသားပေါက်(၇၉ ဒသမ၂)သိန်း မျိုးစိုက်ထည့်သွားမည်ဖြစ်ပြီး ဩဂုတ်လကုန်အထိ စုစုပေါင်း (၅၀ ဒသမ ၈၇) သိန်း ငါးမျိုးစိုက်ထည့်ပေးထားပြီးဖြစ်သည်ဟု မန္တလေးတိုင်းဒေသကြီး၊ ငါးလုပ်ငန်းဦးစီးဌာနမှ တိုင်းဒေသကြီးဦးစီးဌာနမှူး၊ ညွှန်ကြားရေးမှူး ဦးထွန်းထွန်းဦး၏ ပြောကြားချက်အရ သိရသည်။ မြန်မာ့အသံသတင်းထောက်အောင်ဇေယျာဝင်းက ဆက်သွယ်မေးမြန်းထားပါသည်။