ယှဉ်ပြိုင်ကျော်တက်ခြင်းနှင့် ဘေးတံခါးဖွင့်မောင်းနှင်ခြင်း ပြစ်မှုကျူးလွန်ကြသည့် YBS ယာဉ်မောင်းများအား မူးယစ်ဆေးဝါးသုံးစွဲခြင်း ရှိ၊ မရှိ စစ်ဆေးမည်
YBS ယာဉ်များ ဘေးတံခါးဖွင့်မောင်းနှင်သည့် အမှုပေါင်း(၂၀,၀၀၀)ကျော်ရှိကာ ယှဉ်ပြိုင်ကျော်တက်သည့် အမှုပေါင်း (၇,၀၀၀)ကျော် ရှိသည့်အတွက် အဆိုပါ ပြစ်မှုများကျူးလွန်သည့် ယာဉ်မောင်းများအား မူးယစ်ဆေးဝါးသုံးစွဲခြင်း ရှိ၊ မရှိ စစ်ဆေးပြီး အရေးယူခြင်းများ လုပ်ဆောင်သွားမည်ဖြစ်သည်ဟု ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC)မှ တွဲဖက်အတွင်းရေးမှူး ဦးလျန်ကျင့်မန်၏ ပြောကြားချက်အရ သိရသည်။ မြန်မာ့အသံ သတင်းထောက် စန်းစန်းဝေက တွေ့ဆုံမေးမြန်းထားပါသည်။