YPS ကတ်အသုံးပြုသည့် စက်များ ပိတ်ထားသည့် ယာဉ်များနှင့်ပတ်သက်၍ တိုင်ကြားနိုင်

ရန်ကုန်မြို့တွင်း ပြေးဆွဲနေသည့် YBS ယာဉ်များတွင် ယာဉ်စီးခပေးချေနိုင်သည့် YPS ကတ် အသုံးပြုသည့် စက်များကို YBS ယာဉ် အစီးရေ (၃,၀၀၀)ကျော်တွင် တပ်ဆင်ထားရှိပြီး ဖြစ်သည့်အတွက် အဆိုပါ ယာဉ်များတွင် YPS စက်များအား ဖြုတ်သိမ်းထားခြင်း၊ ပိတ်ထားခြင်းများရှိပါက တိုင်ကြားနိုင်သည်ဟု ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေး ကြီးကြပ်မှုကော်မတီ YRTC မှ တွဲဖက်အတွင်းရေးမှူး ဦးလျန်ကျင့်မန်၏ ပြောကြားချက်အရသိရသည်။ မြန်မာ့အသံ သတင်းထောက် စန်းစန်းဝေက ဆက်သွယ်မေးမြန်းထားပါသည်။