မြန်မာ U-22 အသင်း SEA Games ပြိုင်ပွဲကျင်းပရာ ကမ္ဘောဒီးယားနိုင်ငံတွင် လေ့ကျင့်ရေးများ ဆောင်ရွက်

၂၀၂၃ ဆီးဂိမ်းစ် ပြိုင်ပွဲဝင် မြန်မာ ယူ၂၂ အသင်းသည် လက်ရှိ အသင်းလူစာရင်းတွင် ပြိုင်ပွဲဝင် ကစားသမား ၂၀ ဦး၊ ထပ်ဆောင်း အရံဂိုးသမား(၁) ဦး စုစုပေါင်း (၂၁)ဦးရှိပြီး ဖနွမ်းပင်မြို့တွင် လေ့ကျင်မှုများ ပြုလုပ်လျက်ရှိပါသည်။ မြန်မာ ယူ ၂၂ အသင်း အနေဖြင့် ဆီးဂိမ်းစ် အမျိုးသား ဘောလုံး အုပ်စု(က)တွင် အိမ်ရှင် ကမ္ဘောဒီးယား၊ အင်ဒိုနီးရှား၊ အရှေ့တီမော၊ ဖိလစ်ပိုင် အသင်းတို့နှင့်အတူ ကျရောက်နေပြီး အုပ်စုပွဲစဉ်များ အားလုံး ကမ္ဘောဒီးယား အမျိုးသား အားကစားကွင်းတွင် ယှဉ်ပြိုင် ကစားရမည် ဖြစ်ပါသည်။ မြန်မာ ယူ၂၂ အသင်း အသင်းအနေဖြင့် မေလ(၂)ရက်နေ့ (မြန်မာစံတော်ချိန် ၃း၃၀ နာရီ)တွင် အရှေ့တီမော၊ မေလ (၄)ရက်နေ့ (မြန်မာစံတော်ချိန် ၃း၃၀ နာရီ) တွင် အင်ဒိုနီးရှား၊ မေလ(၇)ရက်နေ့ (မြန်မာစံတော်ချိန် ၆း၃၀ နာရီ)တွင် အိမ်ရှင် ကမ္ဘောဒီးယား ၊ မေလ(၁၀) ရက်နေ့ (မြန်မာစံတော်ချိန် ၃း၃၀ နာရီ)တွင် ဖိလစ်ပိုင်အသင်းတို့နှင့် ယှဉ်ပြိုင်ကစားမည်ဖြစ်ကြောင်း သိရှိရပါသည်။
#MRTVOnline
#Reference- the-mff.org

Monday, May 01, 2023