ဖိလစ်ပိုင်တွင်ကျင်းပမည့် အလှမယ်ပြိုင်ပွဲတွင် မြန်မာနိုင်ငံကိုယ်စားပြုအဖြစ် ချင်းအမျိူးသမီး သွားရောက်ယှဉ်ပြိုင်မည်

ဖိလစ်ပိုင်နိုင်ငံ၏မြို့တော် မနီလာတွင် ယခုလ ၂၀ ရက်နေ့မှ ၂၆ ရက်နေ့အထိ ကျင်းပမည့် ပထမဦးဆုံးအကြိမ် Little & Teen Glam International Pageant အလှယ်မယ်ပြိုင်ပွဲတွင် မြန်မာနိုင်ငံကိုယ်စားပြုအနေဖြင့် ချင်းအမျိူးသမီး Regina Noi သွားရောက်ယှဉ်ပြိုင်မည်ဖြစ်သည်။

ချင်းတိုင်းရင်းသူ Regina Noi သည် Miss Myanmar Beauty Paradise မှ ကျင်းပပြုလုပ်သည့် Miss Myanmar Beauty Paradise Chin State အလှမယ်ရွေးချယ်ပြိုင်ပွဲတွင် ကလေးမြို့နယ်ကိုယ်စားပြုအနေဖြင့် ဝင်ရောက်ယှဉ်ပြိုင်ကာ ပထမဆု ရရှိခဲ့သည်။

ထို့နောက် ရန်ကုန်မြို့တွင် ကျင်းပခဲ့သော Miss Myanmar Beauty Paradise Competition Talent Show တွင် သွားရောက်ယှဉ်ပြိုင်ကာ Miss Teen Glam World International Myanmar 2019 Award ကို ဆွတ်ခူးနိုင်ခဲ့ပြီး မြန်မာနိုင်ငံကိုယ်စားပြုအနေဖြင့် ဖိလစ်ပိုင်နိုင်ငံသို့ ထပ်မံယှဉ်ပြိုင်မည်ဖြစ်သည်။

အလှမယ် Regina Noi သည် ကလေးမြို့ စမ်းမြို့(စတောမ်) ရပ်ကွက်တွင် နေထိုင်သည်။